महाकृषि ऊर्जा अभियान – प्रधानमंत्री कुसुम योजना सूचना


 शेतकयांच्या कृषीपंप वीज जोडण्यांचे विदयुतीकरण सौर उर्जेव्दारे करण्यासाठी राज्य शासन स्वयंअर्थसहाय्यित व केंद्र शासनाच्या अर्थसहाय्यातून विविध योजना राबवित आहेत पीएम कुसुम याजनेंतर्गत सौर कृषीपंपासाठी सर्वसाधारण गटासाठी ९० टक्के तर अनुसूचित जाती व जमातीच्या गटासाठी ९५ टक्के अनुदान देण्यात येते. जिल्ह्याच्या ग्रामीण लोकसंख्येनुसार व प्रथम येणाऱ्यास प्रथम प्राधान्य या तत्वावर महाऊर्जा मार्फत या योजनेकरिता शेतकऱ्यांचे नवीन अर्ज स्वीकरण्यासाठी १७ मे २०२३ पासून ऑनलाइन पोर्टल सुरू करण्यात आले आहे तरी जिल्ह्यातील जास्तीत जास्त शेतकऱ्यांनी या योजनेचा लाभ घ्यावा, असे आवाहन जिल्हा प्रशासनाने केले आहे

अटल सौर कृषिपंप योजना-१ व २ आणि मुख्यमंत्री सौर कृषिपंप योजनेमध्ये लाभ घेतलेले शेतकरी महाकृषि ऊर्जा अभियन पीएम-कुसुम घटक-ब योजनेसाठी पात्र नाहीत. त्यामुळे त्यांनी महाकृषि ऊर्जा अभियन पीएम-कुसुम घटक-ब योजनेच्या पोर्टलवर ऑनलाईन अर्ज भरु नयेत. तरी सुद्धा अर्ज भरल्यास त्यांचा अर्ज रद्द करण्यात येईल. महाकृषि ऊर्जा अभियन पीएम-कुसुम घटक-ब योजनेअंतर्गत एका लाभार्थी शेतकऱ्याने एकाच सौर कृषिपंपाकरीता अर्ज सादर करावा. एकापेक्षा जास्त अर्ज सादर केल्यास इतर अर्ज रद्द करण्यात येईल.

तसेच असे निदर्शनास आले आहे की उपरोक्त योजनेअंतर्गत सौर कृषिपंपाचा लाभ घेतलेले शेतकरी सौर कृषिपंप काढून ठेवतात व लाभ घेतला नसल्याचे भासवून दुसरा सौर कृषिपंप महाकृषि ऊर्जा अभियन पीएम- कुसुम घटक-ब योजने अंतर्गत आस्थापित करुन घेतात. अशी बाब निदर्शनास आल्यास त्यांच्याकडील सौर कृषिपंप काढून घेण्यात येईल व त्यांनी भरलेली लाभार्थी हिस्सा रक्कम जप्त करण्यात येईल व अशा शेतकऱ्यांच्या विरुद्ध FIR करण्यात येईल याची कृपया नोंद घ्यावी.

महाऊर्जा मार्फत ऑनलाइन पोर्टल सुरू केल्यानंतर त्यास प्रचंड प्रतिसाद प्राप्त झाला असून एकाच वेळी असंख्य शेतकरी अर्ज करण्याच्या प्रयत्नात असल्याने प्रक्रिया होण्यास विलंब होत आहे तरी सर्व शेतकऱ्यांना या योजनेचा लाभ घेता यावा म्हणून पोर्टलचा दररोज आढावा घेऊन जिल्हानिहाय कोटा वाढवून देण्यात येत आहे. तरी शेतकऱ्यांनी कोटा उपलब्ध नसल्यास, वाट पाहून कोटा उपलब्ध झाल्यावर अर्ज करावा. सौर कृषीपंपाच्या मागणीसाठी नवीन अर्ज करण्याकरीता https://kusum.mahaurja.com/solar/beneficiary/register/kusum-yojana component B या संकेतस्थळावर नोंदणी करण्याचे आवाहन करण्यात आले आहे.


अनुदानावर आधारित या योजनेसाठी अनुसूचित जातीकरीता ३ एचपी पंपासाठी ९ हजार ६९०, ५ एचपी पंपसाठी १३ हजार ४८८ तर ७.५ एचपी पंपासाठी १८ हजार ७२०, अनुसूचित जमातीकरीता ३ एचपी पंपासाठी ९ हजार ६९०, ५ एचपी पंपसाठी १३ हजार ४८८ तर ७.५ एचपी पंपासाठी १८ हजार ७२० तर खुल्या प्रवर्गातील जातीकरीता ३ एचपी पंपासाठी १९ हजार ३८०, ५ एचपी पंपसाठी २६ हजार ९७५ तर ७.५ एचपी पंपासाठी ३७ हजार ४४० रुपये शेतकरी लाभार्थ्यांना भरावयाचा आहे.


News Magnet Lite  ग्रुप मध्ये सामील होण्यासाठी खालील लिंक वर क्लिक करा.

https://chat.whatsapp.com/JnIsNIJ9qd46W4k6Dbksut